వినాయకచవితి శుభాకాంక్షలు

29.8.14

ఔనంటారా.. కాదంటారా?

నా మాట-మీ నోట

రానురాను తెలుగు వాడకం తగ్గిపోవడం బాధాకరం. ఒకప్పుడు వ్యాపారులు తమ దుకాణాల నామఫలకాలను తెలుగులోనే రాయించేవారు. దుకాణం పేరు, వీధి, పేట, ఊరు పేర్లు స్పష్టంగా ఉండేవి. ఊళ్లోకి ఎవరైనా కొత్త వ్యక్తులొస్తే వారికి కావాల్సిన చిరునామా వెతుక్కోవడం సులభతరమయ్యేది. ఇప్పుడవేమీ లేకుండా కేవలం దుకాణం పేరు మాత్రమే.. అదీను ఆంగ్లంలో రాస్తున్నారు. తెలుగు రాష్ట్రంలో ఉన్న తెలుగువారమైన మనం నామఫలకాలపై తెలుగు వెలుగులు విరజిమ్ముదాం. ఔనంటారా.. కాదంటారా?

\28.8.14\

ఇయర్ ఫోన్ పెట్టుకోవచ్చుగా

నా మాట-మీ నోట

మనం ప్రయాణం చేసేటప్పుడో, సినిమా చూస్తున్నప్పుడో పక్కనున్నవారు సెల్ ఫోనులో బిగ్గరగా మాట్లాడితే చిరాకేస్తుంది. మాట్లాడుకోవద్దని చెప్పడం లేదు. ఎవరికీ ఇబ్బంది కలగకుండా నెమ్మదిగా మాట్లాడవచ్చు. కొందరైతే ఫోను రింగవుతున్నా ఎత్తరు.. కట్ చేయరు. ఇంకొందరైతే మొబైల్ స్పీకర్ ఆన్ చేసి పాటలు వింటుంటారు. ఇదీ ఇబ్బందే.. ఎంచక్కా

ఇయర్ ఫోన్ పెట్టుకోవచ్చుగా.. సరేనా..?

\27.8.14\

ఇది నిజం.. మీరూ ప్రయత్నించండి...

ఇది నిజం.. మీరూ ప్రయత్నించండి...

దసరా ఉత్సవాలు

నా మాట-మీ నోట

బెజవాడ దుర్గగుడిలో సెప్టెంబరు 25 నుంచి

దసరా ఉత్సవాలు ప్రారంభం కానున్నాయి. ఇప్పటికే ఆహ్వాన పత్రికలు, వాల్ పోస్టర్లు ముద్రించారు. దూర ప్రాంతాల నుంచి వచ్చే భక్తులకు ఎలాంటి ఇబ్బంది కలగకుండా సులభంగా దర్శనం అయ్యేలా చూడాల్సిన బాధ్యత అధికారులపై ఉంది. ముఖ్యంగా దేవస్థానానికి శాశ్వత ఈవోను ప్రభుత్వం వెంటనే నియమిస్తే ఉత్సవ ఏర్పాట్లు సకాలంలో సవ్యంగా పూర్తవుతాయి. మీరేమంటారు?

\26.8.14\

నా మాట-మీ నోట

బ్రహ్మశ్రీ చాగంటి కోటేశ్వరరావుగారు ఏ ఊళ్లో ప్రవచనాలు చెబుతున్నా జనం విరగబడి వస్తున్నారు. నిన్న విజయవాడలోనూ అదే జరిగింది. అంతమందిని ఆధ్యాత్మికత వైపు అడుగులేయించడం నిజంగా ఆయన గొప్పతనమే. అయితే చాగంటివారు చెప్పినవాటిలో కొన్నింటినైనా ఆచరిస్తే హైందవ ధర్మాన్ని కాపాడుకున్నవారమవుతాము. మీరేమంటారు?

\25.8.14\

ANDHRA KESARI

సాక్షి, 23.8.14