అమ్మంటే...!
నవ మాసాలు మోసి
ప్రసవ వేదన భరించి
నీకు సరికొత్త జన్మనిచ్చి
తాను పునర్జన్మ పొంది
జీవితాంతం నీ బాగుకోరేదే అమ్మ!

అమ్మంటే అనురాగం
అమ్మంటే ఆత్మీయం
అమ్మంటే మార్గదర్శకం!

పిల్లలకు లాలన అమ్మ
కుటుంబానికి పాలన అమ్మ
జీవితానికి ప్రేరణ అమ్మ!

అమ్మకు పనిగంటల్లేవు
వారాంతపు సెలవులు అసలే లేవు
బందులూ, లౌక్‌డౌన్లూ వర్తించవు..

భర్త, పిల్లలు, అత్తమామలకోసం
విసుగూ విరామం లేకుండా
సంసార సాగరాన్ని ఈదుతూ
ప్రతిఫలం ఆశించనిదే అమ్మ!

(మా అమ్మ దివంగత చెన్నాప్రగడ కనకసత్యవతిగారికి ఈ కవిత అంకితం)