సరిలేరు.. నీకెవ్వరు!

దడ దడ దడలాడిస్తూ
కరోనా కబళించినా
ఇంట్లో విడిగా ఉంటూనే
రోడ్డెక్కనివాడే భారతీయుడు..

మెల మెల మెల మెల్లగా
చాపకింద నీరల్లే చొచ్చుకొచ్చినా
సబ్బుతో కడుక్కుంటూ
శుభ్రత పాటించేవాడే భారతీయుడు..

గబ గబ గబ గబగా
వదంతులే వ్యాప్తిచెందినా
తన బుద్ధిని ఉపయోగించి
నమ్మనివాడే భారతీయుడు..

బడులూ గుడులు మూసేసినా
కొలువులూ వ్యాపారాలు పోయినా
దేశ ప్రజల స్వస్థతే తన లక్ష్యమంటూ
లాక్‌డౌన్లను పాటించేవాడే భారతీయుడు

సరిలేరు.. నీకెవ్వరు
నువు తీసుకునే బాధ్యతకు జోహారు..
సరిలేరు.. నీకెవ్వరు
ఎనలేని త్యాగానికి నువ్వే మారుపేరు..
  –శర్మ సీహెచ్‌., విజయవాడ